बलिउड अभिनेत्री ऐश्वर्या राय बच्चन र उनकी छोरी आराध्या बच्चनमा पनि कोरोना भाइरसको संक्रमण देखिएको छ। शनिवार अमिताभ बच्चन र अभिषेक बच्चनमा कोरोना संक्रमण देखिएपछि पूरै बच्चन परिवारको परीक्षण गरिएको थियो। त्यसक्रममा पहिलो पटक गरिएको परीक्षणमा ऐश्वर्या र आराध्याको रिपोर्ट नेगेटिभ आएको थियो। तर, दोश्रो पटक गरिएको परीक्षणमा ऐश्वर्या र आराध्यामा कोरोना भाइरस पोजेटिभ देखिएको छ। जया बच्चनको रिपोर्ट भने नेगेटिभ आएको जनाइएको छ।